សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំពិសេសលើកទី៤ ឆ្នាំ២០២៥ របស់គណៈកម្មការអន្តររដ្ឋាភិបាលអាស៊ានទទួលបន្ទុកសិទ្ធិមនុស្ស
នៅថ្ងៃទី១៦ ខែវិច្ឆិកា ឆ្នាំ២០២៥ គណៈកម្មាធិការសិទ្ធិមនុស្សកម្ពុជា (គ.ស.ម.ក.) ចេញផ្សាយសេចក្តីប្រកាសព័ត៌មានស្តីពីលទ្ធផលនៃកិច្ចប្រជុំពិសេសលើកទី៤ ឆ្នាំ២០២៥ របស់គណៈកម្មការអន្តររដ្ឋាភិបាលអាស៊ានទទួលបន្ទុកសិទ្ធិមនុស្ស ដែលបានប្រព្រឹត្តទៅនាថ្ងៃទី១០-១៤ ខែវិច្ឆិកា ឆ្នាំ២០២៥ នៅទីក្រុងម៉ាឡាកា ប្រទេសម៉ាឡេស៊ី។ កិច្ចប្រជុំនេះ ដែលមានការចូលរួមពីតំណាងកម្ពុជាពីគណៈកម្មាធិការសិទ្ធិមនុស្សកម្ពុជា (គ.ស.ម.ក.) បានផ្តោតសំខាន់លើការពង្រឹង និងពង្រីកកិច្ចសហប្រតិបត្តិការស៊ីជម្រៅក្នុងវិស័យសិទ្ធិមនុស្ស រវាងសមាជិក អាយឆា (AICHR) និងស្ថាប័នដទៃទៀត រួមទាំងការចែករំលែកចក្ខុវិស័យ បញ្ហាប្រឈម និងវិស័យអាទិភាពសម្រាប់កិច្ចសហប្រតិបត្តិការទៅវិញទៅមក។
គណៈកម្មាធិការសិទ្ធិមនុស្សកម្ពុជា
